اكتب الرد اولا يتاح لك الموضوع - الصفحة 3

#31 (**permalink**) 03-13-2008, 09:39 PM

السلام عليكم ورحمة الله وبركاته
ازيك يا أ.د/ عبد الرحمن السبكى
طبعا تشهد جامعة المنصورة بعلمك وكما ذكرت لنا عن تاريخك انك قمت برحلات تعليمية حول العالم ومعك العديد والعديد من الشهادات فانك رجل علم
ولكن سؤالى لك
انا طالبة عندك بقالى 3 سنوات , نظام امتحانك كل سؤال لازم تكتب جمبه (مع ابداء الرأى) وهذه الجملة عليها ما يقرب من 60% من الدرجة
ليه لما اختلفت معاك فى رأيك الذى ذكرته فى كتابك شيلتنى المادة ؟
وليه السنة اللى بعدها لما اجبت ب ( لا رأى فوق رأى د / عبد الرحمن السبكى) بردو شيلتنى المادة؟؟
فياريت توضحلى معنى كلمة ( مع ابداء الرأى ) ياترى الكلمة دى معناها اقول رأيى الشخصى بحرية ولا اقول رأيك ؟؟؟؟؟؟؟؟؟؟؟؟ ارجو الافادة يا دوك لانى بجد نفسى مرة وحدة انجح نظيف مش كل مرة لازم اخد فى ايدى حاجة وانا راحة السنة اللى بعدها

#32 (**permalink**) 03-14-2008, 12:21 AM

[align=center]ابنتى العزيزة كنزى

ارجو لفت انتباهك الى انه لا توجد عداوة شخصية بين دكتور وطالب لديه فالاثنان يتحدا معا من اجل الافضل

واكيد الافضل لمصلحة الطالب

فهدفنا الاساسى هو فهم المنهج وقابليته للتطوير من ناحية تفكير الطلاب

فهى دعوة للابداع والتطوير من اجل عقول اكثر تفتحا وفاعلية للمجتمع

اما عن امتحاناتى والتى اضعها دائما فى مصلحة الطالب " وانتى مجربة طبعا "

فهى اختبار لمدى استيعاب الطلاب للمادة دون اللجؤ الى الحفظ او غيره من الوسائل العقيمة

انما الفهم والفهم فقط

لذا فانى احرص على ان يبدى كل طالب رايه بصراحة من اجل شفافية ارقى

فحرية الرأى مكفولة للجميع

" بس ماتجيش حضرتك وتكسرى القواعد الرئيسية للمادة وكانى لم ابذل اى جهد فى شرح المادة

بل على العكس فانك برايك هذا تثبتى لى انك لا تعلمى شيئا عن مادتى سوى اسمها والذى اشك انك عارفاه

فحضرتك تقولى رأيك فى اطار المنهج ................ الاطار الذى حددته انا ولا تخرجى عنه

فهمانى يعنى زى ما بيقولوا ان الديمقراطية ان الكل يقول اللى هو عايزه واعمل انا اللى فى دماغى

قولى رأيك بس طبقا للوايح دماغى "العبقرية طبعا مش صح ؟ "

فطبعا كده مش حتعدى من المادة دى طول ما انتى مناشفة دماغك

والسنة اللى بعدها اثبتيلى انك طالبة متفوقة لدرجة انك ما وضحتيش حاجة خالص

لا رأيك ولا رأى ولا اى حاجة واكتفيتى بالسخرية منى وقال ايه لا راى فوق رأى

خلاص
طالما الرأى رأى

يبقى انا شايف انك تشرفينى فى المادة دى السنة الجاية يمكن تتحسنى

"

يالا تدريب على كده

احنا فى سنة كام دلوقتى ؟

المفروض تجاوبى

" انا راى ان احنا فى سنة 1919 " " مع ابداء الرأى "

" ملحوظة تمنح درجتان لحسن الخط وتنظيم الورقة "

" ملحوظة اخرى : لكل اجابة صحيحة -10 درجات ولكل اجابة خاطئة -5 درجات "

و ابقى اشوف حتعدى ازاى من الامتحان ده

اللى غايظنى انى حطيت نفس الامتحان ده السنة اللى فاتت و واحد حله وجاب 5 درجات معرفش ازاى

بس مسيره يقع فى ايدى تانى

[/align]

#33 (**permalink**) 03-14-2008, 12:36 AM

شكرا ليك يا د/ عبد الرحمن على التوضيح
انا كدا فهمت وتمام ياريتنى كنت سألتك السؤال ده من زمان
اما بالنسبة لسؤال حضرتك عن اننا فى سنة 1919؟
فاجابتى عليها بالتأكيد اجل احنا فى سنة 1919 بدليل ثورة سعد زغلول
ان شاء الله نذاكر وننجح

#34 (**permalink**) 03-14-2008, 12:41 AM

[align=center][align=center]برافو عليكى كده صح خلاص حوصى عليكى فراش المكتب واقوله يديكى درجة حلوة ويعديكى المرة دى

بس حتروحى فين

حتلفى تلفى وترجعيلى تانى

[/align][/align]