زغرطي يا خالة ...افرح ياحاج ...انا ارتبطت !!

حاولت مرة افهم كلمة ارتباااط
ولما دخلت الجامعة وشفت بعيني ايه اللي بيحصل هناااااك
وشفت سامحوني في اللفظ اللي هقوله ((بلااااوي))
والأمثلة كتير جدآآآآآآآ
تلاقي الشاب يتعرف على زميلة ليه وفي خلال كام يوم يروح لها
وهو مسبل عينيه وفي ايديه وردة من كشك الورد اللي قدام الجامعة ،،
ويقولها انا مكنتش عايش من قبل ما اقابلك
وانا كنت زي الدودة في الشرنقة وكنت انتي النور ليه
وانتي حب حياتي واحنا لبعض زي السما والأرض
ترد عليه بكل براءة او خبث او سخافة
انها حست انها ملاك طاير معاه لوحده وانه هيقدر يمسح هموم حياااتها
وفجأة تلاقييهم ماشيين ماسكين ايد بعض وكلام سخيف مبهم
مالوش اي فايدة بيقولوه لبعض
وتلاقي البنت مذاكرة وحب في نفس الوقت
وشوية وتلاقيهم انفصلوا
تلاقي الواد ماشي بيغني ومطول دقنه
ولدواعي الإكتئاااب سيجارة مكتومة
وعمال يقول ما احنا روحنا الحديقة الدولية إزاااي نسيب بعض ؟؟
وتلاقي البنوتة واقفة مع باقي اصحابها نم ونميمة وكأن
مافيش حاجة حصلت
وكان من اهم المظاهر الطبيعية جدآ في الجامعة
تلاقي المرتبطين زي النمل في موسم تخزين الأكل
يعني لما تلاقي واحد ماشي لوحده او بنت ماااشية لوحدها
تحس انه مش طبيعي او مش طبيعية
وان الناااااس ده معقدة واوعى حد يكلمهم لحسن دول نااااس
معقدين وعايزين يتعالجوا
والمشكلة انه هو نفس الكلااام ونفس الخلافاااات ونفس اسباااب الانفصاال
وفي الآخر تخلص الكلية وينتهي المولد
وخساارة من الطرفين
ونكتشف ان الكلام ده كان حراام
ونقـــــــــــــول حججنا المعروفة
......كانت نيتي كويسة ويعلم ربنا
......كنت ناوي اخطبها
......هو فعلآ كان ناوي ييجي يقابل بابا
.....لسة حاسة بفراغ عاطفي
.....لسة حاسس ان محدش حاسس بية
...نفسي ارتبط واجرب
.....طيب ايه اللي هخسره
.....يا جدعااان نفسي احب واتحب
....مهو لازم احب اللي هتخطبله
....مهو صاحبتي فلانة مرتبطة وصاحبي فلان عااايش
وكلنا تقريبآ مرينا بالمرحلة ده
هل انت فعلآ عايش ده
هل كنت عايشه واذا كنت عايشه لو الايام رجعت تاني هتعمل ايه ؟؟
هل مريت بتجربة مأثرة فيك برغم ان عدى عليها سنين أو شهوور
مرحلة الجامعة ده مرحلة خطيرة جدآ
إزااااي نعدي منها بسلامة ؟؟؟؟
المناقشة مفتوحة للجميع

أولا مشكوره على الموضوع الجيد ده
ثانيا الموضوع فعلاا مؤثر فى الحياة الجامعية وخاصة ان فى بعض العوامل اللى بتتجمع مع بعضعها منها زى ما وضحتى الفراغ اللى بيعيشه الشباب ومنها الكبت اللى بيعانيه الشباب فى فترة من احسن فتراته الثانوية العامة طبعا وفحاة بيلاقوا نفسهم فى جو تانى كله منفتح على كله واللى عايز حاجة بيعملها يعنى كل الطرق تؤدى الى روماااااا
فانا الصراحة ببص للناس دى باكثر من عين منها الشفقة ومنها الزعل ومنها الحقد(هاهاهاهاها)
طبعا الموضوع ده فيه كلام ما بيخلصش يبقى نتكلم فيه بعدين

موضوع جميل وهو ده اللي بيحصل وخصوصا بعد ما يسيبوا بعض

سلام

والله هو موضوع جميل فعلا يا كنوز
يمكن أنا لسه ماشفتوش قوي علشان لسه في سنة أولي كلية
بس مش كل الشباب أو البنات كده في كتير منهم محترم جدا
مع تحياتي العطرة

لم تنتهى هذة القصة وانا على عكس رايك بجد ان اجمل ايام بنعيشها هى ايام الجامعة وحب الجامعة وخروجات الجامعة بجد دى ذكرى جميلة اوى بحياتنا من الصعب نسيانها وها تفضل الجامعة كدة وها تفضل الشباب كدة من جيل الى اخر وانا معهم ارفع راية الكل لازم يحب سيبك انتى يا كنوز دى ايام لايمكن تتعوض