مين الحمار ؟؟؟؟؟؟؟؟؟؟؟؟؟؟؟؟؟؟؟؟؟

فلسفة الحمار
عجبى عليك يا اب ادم يا كبير الدار
قامت الدنيا وما قعدت لمه قالو عليك حمار
هوه اسمى شتيمه وله جنسى عار
خلقنى ربى وخلقك وماحدش له خيار
انا مهما زاد الحمل على ظهرى صار على المشوار
لا فى يوم اقول اشمعنه اخويا واخد منه تار
ولا يوم ابص لرزق غيرى واطق منه واغار
ولا ابص فى يوم على جارتى واصون الجار
ولا مهر ادفع لحمارتى ولا شبكه وسوار
ولا شقه اجمع ثمنها ولا اجهز دار
ولا مراتى تتوحم عاوزه كافيار
ولا بنتى تخرج عن طوعى وتجيبلى العار
ولا ابنى يدمن ويهلوس ويقع ينهار
عايش فى حالى متهنى ولا تشغل دماغى افكار
باكل واشرب وانهق ولا اخبى اسرار
وعندى ابن ادم يخدمنى ليل ونهار
ان جوعت يشتريلى برسيم باغلى الاسعار
وفى مرضى يفضل يعالجنى ويدعى الستار
خادم امين من غير راتب ولا ايجار
والله يا ابن ادم انت صعبان عليه
عرفت مين فينا الحمار

جميلة اوي
بس مكانها في قسم الادب والشعر حسب اعتقادي

حلوة بس انا برضو اظن ان هى تبقى فى الأدب والشعر

والله مش عارف أقول آه
لأنها صريحة أوى ومقدارش أأول جميلة لأنها بتضرب فينا كلنا
لكن أأول الحمد لله معنديش حمار

وشكرا

شكرا ليك يا تامر وشكرا عباد

_

ايه التشوية اللي بيحصل في المنتدي ده ؟
يعني ايه مشاركة علي شكل شرطة ؟
ولا هي رصيد مشاركات وخلاص
دي قمة ال ......................