دي مش مصر دي فلسطين

قبل اي كلام
انا بجد فرحانة جدا باهل المحله واللي عملوه
وبشكرهم جدا علي شجاعتهم دي
واللي هتخلي مدن تانيه كتير تعمل كده هيا كمان
لحد ما ربنا يخلصنا من الحكومه دي ومن ظلمها
طبعا رجال الامن الظباط المحترمين
لو بحماسهم ده في اي معركه حربيه
صدقوني هنغلب اي جيش في العالم
مع انهم المفروض اول ناس يقولوا لا للباطل
زي ما درسوا في الاكاديميه
انما لا طبعا
هما لازم يتشطروا بس علي الشغب الغلبان
اللي كل همه بس لقمه العيش
يعني مش بيتاظهروا عشان عايزين يعيشوا في رفاهيه او عايزين حياه مترفه
دول بس عايزين اساسيات الحياه ويتعاملوا كانهم بني ادميين
انما هنقول ايه غير
حسبي الله ونعم الوكيل
وطبعا اتقبض علي ناس كتير جدا
وفي ناس كتير هتتحول للتحقيق عشان مرحتش الشغل اليوم
ده ومش بعيد كمان يلبسوهم قضايا
وكمان في مظاهرات في القاهره والجيزه واسكندريه ودمنهور والسويس
بس طبعا مش زي اللي حصل في المحله
وبرضوا ناس كتير جدا اتقبض عليهم برضوا في المدن دي
ومحدش عارف مصيريهم هيكون ايه
لان الداخليه قبليها بفتره حزرت بشده من الاعتصام ده
وللاسف احنا برضوا اللي هنضر
لان مفيش حاجه اتغيرت
وظل الوضع كما هو عليه
يعني اللي اتظاهر او اعتصم ومرحش شغله
هو اللي اضر
بس نقول ايه اهي وسيله الناس بتعبر بيها عن غضبها وخلاص

الظاهر كده ان مفيش في ايدينا غير الدعاء
لحد ما ربنا يفرجها من عنده
ويخلي ناس عندها ضمير هيا اللي تتولي امورنا
اللهم امين

صور حية من المحلة الكبرى

ابطال بحق اللي يقفوا في الظلم ويقولوا لا للظلم حتى لو اعتقلوا أو ماتوا أو حتى بقي الوضع على ما هو عليه

سادتي لابد للحق من قوة تحميه

وبقوة هذة القوة ينتصر الحق وبقدر ضعفها يهون الحق . هذا وقبله ارادة الله وحكمته سابقة على كل شئ



تحيه إلى من قال لا للظلم والفساد

دعوات خالصة لمن اضيروا تقبل الله منكم وفرج عنكم

وأغمض عيني عمن تخاذل وجبن فلا أقول إلا سامحكم الله


وطالما تخفض الرأس ستداس بالنعال


فاحني رأسك من أجل لا شئ حتى تموت وأنت لا شئ

اضراب جديد للشعب المصري






شوفوا كده معايا :





















مش حرام كل ده بجد ؟؟