آخر كلمة

قولي لأمته مش هتخاف وتملي تقول
ترفع صوتك جوه في بيتك لا تكون مهبول
ولا تكنش فاكر إن القعدة يابني مش هطول
سنين وسنين والكتكوت مستني وصول
ولا تكنش بعت الخوف اليوم بكلام مسعول
قال آه رأيك مسموع ولا هتجوع من الفول
كل بلادنا زي العالم بالعيش مشغول
طوابير طراطير وزعيق ونعيق على طول
يبقى هقولك علي في صوتك ازعق قول
لكن اعرف إنك يوم لازم جاي مسئول
يابني الريس جامد خاص ولا أكبر غول
ولما تروح هناك وتدوخ ابعتلي رسول
لما تشرف في العمبوكة تبقى القاتل والمقتول
تنسى اسمك وعيال ومدام وحبيب وعزول
وترجع تاني برجل الكرسي ماسك بتقول
خليك وينا احنا اخترانك خليك على طول
تستنى الكتكوت يطلع من البيض مبلول
وتعيد نفس الأغنية اخترناك زي المهبول
علي في صوتك جوه في بيتك لا تبات مغلول
لكن اسمع مني آخر كلمة يمكن غيبي يطول
شعب بيسكت لازم فرعون على راسه يبول
لكن اعرف ان الحق يدوم والباقي يزول
علي في صوتك خارج بيتك متكنش خجول
واصرخ قول كلمة حق وكن عنها المسئول


عباد

واصرخ قول كلمة حق وكن عنها المسئول
اخر كلمة قول الحق الله عليك والحق هو المنجي دايماا موضوع جميل وتقبل مروري

اوعى تكون مهبول
وتصرخ في الشارع
وتزق الناس في طابور الفول
واعرف ان الحق مش هيزول
والظالم هيخش النار واكبرهم فرعون الغول

أحمد ياسين

مضوع جميل جزاك اللخ خيرا يا اخى