ممكن تسمولي ده اسمه ايه ؟؟

ارجوكوا حد يفهمنى تسموا اللى بيحصل فى مصر ده ايه؟؟
لما اللى يتكلم فى السياسة و يقول رأيه
يروح ورى الشمس قال ايه بيخطط ضد النظام..تسموا ده ايه؟
لما دخل الناس هوه هوه و الاسعار بتولع نار و يقولك مصر عايشة أزهى عصور الرفاهية وان هم الحكومة هو المواطن البسيط محدود الدخل!!تسموا ده ايه؟؟؟
لما يطلع عمر خالد من مصر و يتقفل بابها فى وشه و يتمنع وجدى غنيم و غيرهم وغيرهم من دخول مصر و ترحب مصر بالاحضان بنانسى عجرم و هيفاء وهبى و غيرهم و غيرهم ..تسموا ده ايه؟؟؟
لما يتخرج (المواطن البسيط) من الجامعة و ما يلاقيش شغل بشهادته و دراسته و يجيله احباط و اكتئاب ....تسموا ده ايه؟؟؟؟
لما يكون المشاهير فى التليفزيون و نجوم المجتمع هم رجال الاعمال و الراقصات و المغنيين و الممثلين و آل ايه دول بيمثلوا مصر.... تسموا ده ايه؟؟
لما حد يقول عاوزين نطبق شرع الله و يكون دستورنا هو القرآن و يتقال ارهابى و عاوز يرجعنا لعصور الظلام و يتقال الكلام ده بمنتهى البجاحة..تسموا ده ايه؟؟؟
لما تطلع واحدة ..... زى نوال السعداوى تتطاول على الله و الانبياء و عاوزة تعدل فى احكام الشرع و ما تتعاقبش على كلامها ده....و يعتقل اللى عاوز يطبق الشريعة الاسلامية فى بلد المفروض انها اسلامية...تسموا ده ايه؟؟؟
لما يتعين وزير زراعة يقضى على صحة الناس بالمبيدات و الاسمدة المسرطنة المحرمة دوليا و يسيب الوزارة بعد ما يقضى على صحة الناس بمنتهى البساطة ومن غير ما يتحاسب..تسموا ده ايه؟؟؟؟؟
لما يتعين وزير تعليم يكون كل هدفه تخريب التعليم و يخلص مهمته و يمشى بمنتهى البساطة..تسموا ده ايه؟؟؟
لما يكونوا عاوزين يلغوا التربية الاسلامية من المناهج بالتدريج و احنا دولة اسلامية..تسموا ده ليه؟؟؟؟
لما يتكلم كل من هب و دب فى احكام الله و شرعه و يقول الحجاب ده حجاب للعقل و ما بيعجبنيش ...كل ده و احنا دولة اسلامية ..تسموا ده ايه؟؟؟؟
لما تبقى الرذيلة و الفجور و الانحلال و التحريض عليهم فن و يتاخد عليه جوايز..تسموا ده ايه؟؟؟
لما ياخد الممثلين عن المسلسل الواحد مليون او اتنين او حتى 100 الف جنيه و ياخد المدرس 200 جنيه و الطبيب 300 جنيه و غيرهم من المتعلمين فيه منهم اقل من كده كمان...تسموا ده ايه؟.؟؟؟
لما يتضرب القضاة بالجزم فى الشوارع و يعتقل اصحاب الفكر الاسلامى ... تسموا ده ايه؟؟؟
لما تبقى البيضة بجنية او حتى ب 75 قرش و اللحمة ب 40 جنية او حتى ب 35 جنية و الناس لسه دخولها زى ما هيه و لسه بياخدوا علاوة الجواز 2 جنيه..تسموا ده ايه؟؟؟
لما يتعامل المواطن فى بلده على انه مواطن من الدرجة التانية او العاشرة و يلاقى نفسه مضطر يسافر و يبعد عن اهله علشان لقمة العيش كل ده و هو متعلم و المفروض ان بلده تكون محتاجاه....تسموا ده ايه؟؟؟
لما يروح المواطن يتعالج فى مستشفى حكومى يتعامل اسوا معاملة و ممكن يتنقله دم ملوث او لو مات جوه المستشفى يتسرق منه اعضاؤه..تسموا ده ايه؟؟
لما يموت 1000 شخص غرقا فى عبارة من اكتر من سنة و صاحب العبارة لحد دلوقتى ما اتعاقبش و يطلع فى التليفزيون مع مذيع من اياهم عاوز يلمعه اعلاميا بمنتهى البجاحة... تسموا ده ايه؟
لما تطلع مذيعة اطفال فى برنامج من كام سنة علشان تحكى للاطفال عن هجرة الرسول من مكة للمدينة و تقولهم ان الرسول يا ولاد خاف و هرب من مكة هو واصحابه و يعدى الموضوع كده ...تسموا ده ايه؟؟؟؟
لما ييجى واحد من الاخوان يسافر و يلاقى نفسه كل اجراآته تتعطل او يتمنع من السفر طيب حيرتونا انتو عاوزينهم فى البلد ولا لأ؟..اذا عاوزينهم قارفينهم ليه و اذا مش عاوزينهم سيبوهم يمشوا!!! تسموا ده ايه؟؟
لما.. و لما... ولما ...ولما... و حاجات تانية كتير تسموا ده ايه؟؟
ارجوكوا فهمونى قبل ما اتجنن و كملولى الحاجات اللى تجنن اللى ما كتبتهاش
و...
نتقابل هناك......
فى
مستشفى المجانين طبعا....

 

 

 

 

 

 

 

 

 

 

والناس اللفي السودان ما بيهموكم معناتو شنو الكلام دا
البيحصل فالسودان أكتر من البيحصل في مصر يا خي فقوا السوادنين كولهم برة البلد

 

 

 

 

 

 

 

 

 

 

هذا يسمى ضعف ايمان وعدم ثقه بالله تعالى
ونقول لو احنا اهتمينا بدينا اكتر حنكون احسن بكتير

ان ينصركم الله فلا غالب لكم

 

 

 

 

 

 

 

 

 

 

والله كلام جميل يا مديرنا الفاضل ياريت نطبق ولو حتى جزء بسيط منه وميبقاش كلام بيترص
نهتم بدينا مش كدة!!!!!!!!!!!!!
مش بمكاسب الدنيا الفانية ........
وشكرا كنوز على موضوعك

 

 

 

 

 

 

 

 

 

 

شكرا لكم علي المرور عز الدين وأحمد وأحمد يسري وأنا شايفة ان ابتدأ التفاعل مع المواضيع يأخذ شكل ايجابي

 

 

 

 

 

 

 

 

 

 

ارجوكوا حد يفهمنى تسموا اللى بيحصل فى مصر ده ايه؟؟

لما اللى يتكلم فى السياسة و يقول رأيه
يروح ورى الشمس قال ايه بيخطط ضد النظام..تسموا ده ايه؟

(اسالى مجرب ده بيبقى اسمه سياحة يعنى لازم يبصطونا ويكافؤنا على حبنا للبلد)
لما دخل الناس هوه هوه و الاسعار بتولع نار و يقولك مصر عايشة أزهى عصور الرفاهية وان هم الحكومة هو المواطن البسيط محدود الدخل!!تسموا ده ايه؟؟؟
(هما سموه ارتفاع فى مستوى الدخل ولا انتى مش واخدة بالك)
لما يطلع عمر خالد من مصر و يتقفل بابها فى وشه و يتمنع وجدى غنيم و غيرهم وغيرهم من دخول مصر و ترحب مصر بالاحضان بنانسى عجرم و هيفاء وهبى و غيرهم و غيرهم ..تسموا ده ايه؟؟؟
(لازم ارد بجد واقول -اخرجوا آل لوط من قريتكم انهم اناس يتطهرون-)
لما يتخرج (المواطن البسيط) من الجامعة و ما يلاقيش شغل بشهادته و دراسته و يجيله احباط و اكتئاب ....تسموا ده ايه؟؟؟؟ (اسمه بطالة يا ماما ولا لازم نفكركم بمستقبلكم الاسود على دماغكم هه)
لما يكون المشاهير فى التليفزيون و نجوم المجتمع هم رجال الاعمال و الراقصات و المغنيين و الممثلين و آل ايه دول بيمثلوا مصر.... تسموا ده ايه؟؟
(طب عايزة مين اللى بيمثلها انا مثلا ولا رجال الدين بقى ويسيبوا المسجد مش قولنا الناس دى ليها الاخرة يبقى ما يقروفناش فى دنيتنا بقى)
لما حد يقول عاوزين نطبق شرع الله و يكون دستورنا هو القرآن و يتقال ارهابى و عاوز يرجعنا لعصور الظلام و يتقال الكلام ده بمنتهى البجاحة..تسموا ده ايه؟؟؟
(علمانية عرفت بقى)
لما تطلع واحدة مجنونة زى نوال السعداوى تتطاول على الله و الانبياء و عاوزة تعدل فى احكام الشرع و ما تتعاقبش على كلامها ده....و يعتقل اللى عاوز يطبق الشريعة الاسلامية فى بلد المفروض انها اسلامية...تسموا ده ايه؟؟؟
(حرية تعبير ولا عايزة الناس تقعد ساكته وتكبتى حريتهم اما اللى عايز يطبق الشريعة فده اكيد واحد وصولى عايز يوصل للحكم وقال ايه واخد الدين ستار انما على مين)لما يتعين وزير زراعة يقضى على صحة الناس بالمبيدات و الاسمدة المسرطنة المحرمة دوليا و يسيب الوزارة بعد ما يقضى على صحة الناس بمنتهى البساطة ومن غير ما يتحاسب..تسموا ده ايه؟؟؟؟؟
(تحديد نسل وما دام الناس مش حتبطل تخلف يبقى نموت حبة)
لما يتعين وزير تعليم يكون كل هدفه تخريب التعليم و يخلص مهمته و يمشى بمنتهى البساطة..تسموا ده ايه؟؟؟
(تطوير تعليم مش مدرستك جميلة نظيفة متطورة )
لما يكونوا عاوزين يلغوا التربية الاسلامية من المناهج بالتدريج و احنا دولة اسلامية..تسموا ده ليه؟؟؟؟
(تطوير تعليم يا ماما واهو نخفف عن الطلبة شوية مواد )
لما يتكلم كل من هب و دب فى احكام الله و شرعه و يقول الحجاب ده حجاب للعقل و ما بيعجبنيش ...كل ده و احنا دولة اسلامية ..تسموا ده ايه؟؟؟؟
(قلنالك حرية تعبير ولا لازم نعيد اللى بنقوله كل شويه)
لما تبقى الرذيلة و الفجور و الانحلال و التحريض عليهم فن و يتاخد عليه جوايز..تسموا ده ايه؟؟؟
(انتى غريبة جدا على فكرة بتغنى وتردى على نفسك اسمه فن )
لما ياخد الممثلين عن المسلسل الواحد مليون او اتنين او حتى 100 الف جنيه و ياخد المدرس 200 جنيه و الطبيب 300 جنيه و غيرهم من المتعلمين فيه منهم اقل من كده كمان...تسموا ده ايه؟.؟؟؟
(هو مين اللى ظاهر قدام الناس مش الفنانين يبقى لازم ندلعهم ولا عايزاهم يقولوا ان الاجور منخفضة عندنا)
لما يتضرب القضاة بالجزم فى الشوارع و يعتقل اصحاب الفكر الاسلامى ... تسموا ده ايه؟؟؟
(احترام العقليات يعنى الناس اللى بتفكر لازم ندلعهم ولو حد شاف مسرحية الزعيم ياخد باله من اللى حصل للوزير اللى فكر)
لما تبقى البيضة بجنية او حتى ب 75 قرش و اللحمة ب 40 جنية او حتى ب 35 جنية و الناس لسه دخولها زى ما هيه و لسه بياخدوا علاوة الجواز 2 جنيه..تسموا ده ايه؟؟؟
(تجارة وعلاوة واضحة زى الشمس )
لما يتعامل المواطن فى بلده على انه مواطن من الدرجة التانية او العاشرة و يلاقى نفسه مضطر يسافر و يبعد عن اهله علشان لقمة العيش كل ده و هو متعلم و المفروض ان بلده تكون محتاجاه....تسموا ده ايه؟؟؟
(تشبع خلاص مصر تشبعت من الناس اللى عامله مشاكل والصراحة احنا بنطفشهم بقى ولا انتم عايزين تقرفونا وخلاص وقولنلكم حددوا النسل ما سمعتوش الكلام يبقى مع السلامة)
لما يروح المواطن يتعالج فى مستشفى حكومى يتعامل اسوا معاملة و ممكن يتنقله دم ملوث او لو مات جوه المستشفى يتسرق منه اعضاؤه..تسموا ده ايه؟؟
(يا ستى ماهو كده كده ميت لو مش من الدم يبقى من الجوع ومادام مات يبقى مش عايز حاجة من جسمه ياعنى مش محتاجة يبقى نتصرف بقى ونستفاد ولا الطلبه حتتعلم ازاى)
لما يموت 1000 شخص غرقا فى عبارة من اكتر من سنة و صاحب العبارة لحد دلوقتى ما اتعاقبش و يطلع فى التليفزيون مع مذيع من اياهم عاوز يلمعه اعلاميا بمنتهى البجاحة... تسموا ده ايه؟
(اصلنا كنا عايزين القضاة تتاكد من حالة الراجل عشان منظلمهوش يعنى قمة العدل شوفتى بقى انتم ظالمنا ازاى اما المذيع فكان بيديلة فرصة يعبر عن وجهه نظره)
لما تطلع مذيعة اطفال فى برنامج من كام سنة علشان تحكى للاطفال عن هجرة الرسول من مكة للمدينة و تقولهم ان الرسول يا ولاد خاف و هرب من مكة هو واصحابه و يعدى الموضوع كده ...تسموا ده ايه؟؟؟؟
(تبسيط ولا انتى قاعدلنا على السقطة واللقطة)
لما ييجى واحد من الاخوان يسافر و يلاقى نفسه كل اجراآته تتعطل او يتمنع من السفر طيب حيرتونا انتو عاوزينهم فى البلد ولا لأ؟..اذا عاوزينهم قارفينهم ليه و اذا مش عاوزينهم سيبوهم يمشوا!!! تسموا ده ايه؟؟
(قال ايه نسيبهم عشان يطلعوا برة لبلد من البلاد اللى مبتهتمش بحقوق الانسان فينتشر ويلم حبة فلوس حلوين ويقرفنا بيهم لا يا ماما نخليه هنا احسن واحنا حندلعه ملكيش دعوة وبعدين ماحدش اشتكى)
لما.. و لما... ولما ...ولما... و حاجات تانية كتير تسموا ده ايه؟؟
ارجوكوا فهمونى قبل ما اتجنن و كملولى الحاجات اللى تجنن اللى ما كتبتهاش
و...
نتقابل هناك......
فى
مستشفى المجانين طبعا....
عشان كده انا دلوقتى فهمت السبب اللى ورا اسئلتك الغريبة دى ان عندك مشاكل عقلية
(انا حاولت اتقمس شخصية الناس الحلوة اللى بتطلع على التلفزيون ويلعبولنا فى دماغنا ويارب اكون نجحت)
والف شكر على موضوعك الجيد زى ما انت معودانا

 

 

 

 

 

 

 

 

 

 

شكرا لك عاشق الأقصي
ولك كل تقدير واحترام