بسم الله الرحمن الرحيم
الســـــــــــــــــــــــــ عليكم ـــــــــــــــــــــلام
قوم ياراجل انته جاي ليك نوم وولادك مأكلوش من الصبح ، ياوليه نامي ربنا يهدك كانت شورة ايه دي ، كان مالي ومال الجواز ، الي عايز يتجوز يجي يشوف ، دي عيشه تزهق ، ياراجل حرام عليك انته ايه مفيش في قلبك رحمه مش صعبان عليك الصغار دي وهي بتصرخ ، بقولك ايه انا من صباح ربنا بلف علي رجليه علشان الاقي شغل مافيش اعمل ايه ،اموت روحي علشانكم قومي قامة قيامتك وسكتي ولاد الكلبه دول اصل اقوم احطكم علي بعض واولع فيكم ، ربنا يخدكم ، ربنا هيحسبك علي بتعملو فيه وفي ولادك انا مش مشكله استحمل بس الاطفال دي ذنبهم ايه < وهي تبكي > ذنبهم ان لهم ام جاهله خدي ولادك واطلعي بره عايز انام ، ده اخر كلام عندك انا هقوم اوديهم البحر، هو احن عليهم منك وربنا ما بينساش حد ، يارب سامحني علي بأعمله، انا وليه مكسوره الجناح وجوزي راجل مفتري يارب خليك معايا، يارب انا بعمل كده علشان ولادي يعيشو ،يلا ياولاد يلا يابت هاتي اخوكي الصغير لفيه كويس بالفوطه وانته امسك ايد اختك اوعي تفلت منك استني يابت تعالي اللبس بتاعك خفيف والجو برد والمياه الوقتي ساقعه وسكتي اخوكي ده ولا اقولك هاتي ارضعه وكملي لبس انتي ،الاولاد < خلصنا ياماما > روح فك حبل المركب وانا جايه خد اختك معاك ،.............................!
الجو برد اقوي ياماما ، معلش لما تنزلو الميه الوقتي مش هتحسو بالبرد وانته في الميه خلي بالك علي اختك ، ياماما بعدنا عن الشط والموج هيعلا، هو فيه موج في بحيره ،ده مش بحر ، يعني الميه بسيطه ، ماما انا خايفه الجو ليل خلينا للصبح ، مش هينفع، حد يشفني يقول ايه ، ما تقطعوش قلبي بقي حرام عليكم ، هو نايم في البيت زي الستات ورامي الحمل كله عليه ، سامحمني يولاد ،كان نفسي اشفكم احسن ناس في الدنيا، لو بايدي حاجه تانيه كنت عملتها ، بس اعمل ايه انا جهله مبعرفش اعمل اي شيئ ، خلاص اقف هنا ، ماما فيه سمكه كبيره، كبيره اقوي، بسرعه هات الشبكه ارميها، انزل بسرعه وامسك ايد اختك متخلهاش تبعد عنك ، ماما مسكنا السمكه امسكها من دمغها اوعي تفلت؛ السمكه :< ربي انا كل ما اروح مكان حد يحاول يصطادني والصغار دول اعمل فيهم ايه، انا خلاص وقعت > وفتحت فمها وألقت بصغارها في المياه لينجو من الموت!
06-27-2008, 06:33 AM
ام ترمي بأولادها في المياه 
]
