| |
06-26-2008, 10:26 AM
| رقم المشاركة : 1 (permalink) | |||||||||||||||||||
المستوى: 25 [
|  ازاي يكون لمنتدانا بصمة تميزه عن باقي المنتديات  السلام عليكم ورحمة الله وبركاته من حوالي 4 شهورsameh lutfi عمل موضوع عايزين يكون لمنتدانا بصمة وحط فيه مجموعة من التصاميم لزراير الدونلود على أمل ان حد يستعملها بالاضافة الى تصميم لكلمة omatona عشان اللي يرفع صور يحطها عليه ولكن للأسف الموضوع ملقاش التفاعل المتوقع, فحبيت أعمل الموضوع ده على أمل انه يحرك المياه الراكدة في المنتدى –واعذروني في التعبير ده- الموضوع ده تقدر تعتبره جزء تاني أو استكمال لموضوع سامح. أي منتدى جديد –زي منتدانا- لازم يثبت نفسه ويتميز عن المنتديات التانية خصوصاً وسط العدد الضخم من المنتديات اللي ظهر في الفترة الأخيرة, أظن إن الكتر الفاحش للمواضيع المنقولة بيقتل شباب أي منتدى, لانه باختصار بيفقد المنتدى ملامحه اللي ممكن تميزه وتخليه يتطور. في الموضوع ده باذن الله هشرح ازاي ممكن يتعمل موضوع فيه بصمة المنتدى من الألف إلى الياء واتمنى أن أوفق فيه. نقول بسم الله ونبدأ أولاً ازاي تعمل شرح لبرنامج أو أي حاجة ويكون عليه بصمة المنتدى؟؟ هنستعمل دلوقتي برنامج SnagIt وهو من أفضل البرامج إن لم يكن الأفضل في مجاله واهه البرنامج بورتابل كمان [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] PW : [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] 3la 6ool ونبتدي الشرح: اولاً ده الواجهة الرئيسية للبرنامج  1) لتصوير مساحة معينة في الشاشة حسب اختيارك وتحديدك بالماوس 2) لتصوير window أو شباك بالكامل وبتحدده بالماوس برده 3) لتصوير الشاشة كاملة 4) بعد تحديد طريقة التصوير تضغط على الزرار ده عشان تلتقط الصورة والطريقة الاسهل لتصوير الشروحات هي طريقة تصوير الويندو الكاملة (الطريقة الثانية) فمثلاً لو هشرح برنامج TuneUp Utilties هختار طريقة التصوير التانية واضغط زرار capture هتظهرلك الصورة ده  كده الصورة الي ظاهرة قدامك هي اللي انت صورتها نيجي بقى للتقيل ازاي تعدل على الصورة بحيث يكون عليها شعار المنتدى أو اسمك أو أي حاجة عندك كذا طريقة هنشوفهم من القائمة اللي على الشمال في نفس البرنامج  1) عشان تكتب جوه برواز طالع منه سهم (شبه اللي في مجلة ميكي) 2) عشان تكتب من غير برواز مجرد كتابة على الصورة وده مثال على اللي فات  اما لو عايز تدخل شعار أو رسمة ملكش غير الـ Watermark الموجود في القائمة اللي على اليمين اضغط عليه هتظهرلك القائمة ده  1) عشان تختار الصورة 2) عشان تخلي الشعار كأنه منحوت على الصورة 3) عشان تخلي الصورة تطلع عادية 4) امكانيات اضافية مش مهمة أوي بس ممكن تستكشفها بنفسك وده مثال على اللي احنا بنقوله  أظن إني كده أكون شرحت ازاي صور الشرح أو أي صور ممكن يتحط عليها لوجو أو اسم او...الخ ********************* ثانياً ازاي ترفع ملف عليه باسوورد المنتدى؟؟ وطبعاً هنستخدم البرنامج الشهيرwinrar وأظن محدش مسمعش عنه واهه البرنامج [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] ودلوقتي اسيبك مع الصور وان شاء الله شرحها هيكون كافي ووافي   ********************* ثالثاً لمسات نهائية على الموضوع أ/ استخدام الزراير المصممة في موضوع سامح لطفي بالطريقة ده تاخد لينك الصورة من الموضوع وتدخل الصورة في موضوعك عادي زي أي صورة عن طريق زرار إدراج صورة بعدين تجيب لينك الملف اللي انت عايزه وتحدد على الصورة في موضوعك بعدين تدخل اللينك عادي جداً عن طريق ادراج رابط ب/ تكتر من ذكر اسم المنتدى داخل موضوعك عشان لو اتنقل يبقى فيه اسم المنتدى - لان معظم اللي بيقلوا المواضيع مش بيعدلوا عليها - جـ/وأخيراً أرجو عدم قتل شباب المنتدى بالمواضيع المنقولة, مش معنى كلامي ده ان المواضيع المنقولة عيبة في حق صاحبها لكن انا متاكد ان العضو لما يعمل موضوع بنفسه أكيد ده هيبقاله اثر أكبر في باقي الأعضاء بالإضافة لانه هيبقى أقرب للعضو نفسه من المواضيع المنقولة وأخيراً أرجو أن أكون قد وفقت في الموضوع ده في ايصال فكرة قد تدفع بالمنتدى للامام وفي حال وجود أي اقتراحات أو استفسارات انا موجود
آخر تعديل ahlawy 3la 6ool يوم 06-26-2008 في 02:14 PM. | |||||||||||||||||||
|
|  |
|
06-26-2008, 11:13 AM
| رقم المشاركة : 3 (permalink) | |||||||||||||||||||
المستوى: 25 [
|  رد: ازاي يكون لمنتدانا بصمة تميزه عن باقي المنتديات شكرا لردك ومرورك يا عبدالرحمن
| |||||||||||||||||||
|
| |
|
06-26-2008, 12:03 PM
| رقم المشاركة : 5 (permalink) | |||||||||||||||||||
المستوى: 25 [
| رد: ازاي يكون لمنتدانا بصمة تميزه عن باقي المنتديات شكرا يا قادم على الرد والمرور واتمنى يكون عجبك
| |||||||||||||||||||
|
| |
|
06-26-2008, 12:47 PM
| رقم المشاركة : 6 (permalink) | |||||||||||||||||||
المستوى: 29 [
| رد: ازاي يكون لمنتدانا بصمة تميزه عن باقي المنتديات بجد موضوع جامد جدا جدا يا أبوالولد وياريت يتثبت
| |||||||||||||||||||
|
| |
|
06-26-2008, 12:52 PM
| رقم المشاركة : 7 (permalink) | ||||||||||||||||||||
المستوى: 25 [
| رد: ازاي يكون لمنتدانا بصمة تميزه عن باقي المنتديات اقتباس:
وان شاء الله الموضوع يفيدك انت وكل الاعضاء والموضوع متثبت من الاساس يا باشا
| ||||||||||||||||||||
|
| |
