هل استخدام الكراك حرام؟؟

اولا مش حرام لسبب ان الى اشترى البرنامج من الشركه دفع فلوس واخد السيريال وهو نفسه الى حطه على المواقع عشان الناس تحملها يعنى الى شارى البرنامج حطه مجاناا يعنى متعتبرش سرقه لان صاحبه حطه عن طيب خاطر

السلام عليكم

انا رأيى ان تحريمها يتوقف على النطاق الاجتماعى

يمكن لو اخدنا الموضوع كده من وشه نقول انها غلط وحرام لكن انا حسيبلكم الوش وادخل الى الحقيقه؟؟؟

احب اقول ان ثقافة ان الناس لازم تشترى الاصلى غير متوفره تماما من الحوكمه الى بتراعى اساسا تطبيق القانون وانا مستعد اقسم واقول ان الحكومه ظباط ولوائات الى اخره بيستخمو الحاجات دى زينا

لو الحاجات دى مستخدمنهاش عن ضيييييييع كام واحد فى مصر مثلا يقدر يشترى الاصلى؟؟
كام واحد فى العالم؟؟
ثالثا وده الاهم ان محدش منا ضرب الموضوع ده عن قصد بالاضافه الى ان الحاجات دى بتوصلنا كده انا عن نفسى مبضربش برامج

والمفروض ان الحكومات توفر فى مصالح الدوله اكتر من نسخه اصليه بحيث يبقى فى المدرسه 5 نسخ مثلا الطلبه ياخدوها ويسطبوها ويرجعوها وكده

وبعدين الحمد لله مفيش برنامج من دول راح بسببنا خسر يعنى

واحب اختم ان الحاجات دى لو معملنهاش فعلا
مش حيبقى فيه اى نيلا مكناش حنعد على المنتدى ده دلوقتى ونناقش اللقضيه دى

انا بعتبها ضروره وحتميه مهما كان الحكم الشرعى فيها ولا واحد مننا حيقدر ينفذ؟؟
لو فيكم حد ممكن ينفذ الكلام ده يبقى يقول

وانا معتقدش

مقدرش أفتي بصراحه ان كانت حلال ولا حرام
بس لو فكرت هتلاقي ان الشخص اللي أنتج البرنامج و دفع دم قلبه للمبرمجين عشان يطلع بحاجه زي الأوفس من حقه انه ياخد فلوس من كل شخص بيستفيد من البرنامج..
لكن هنقول ايه احنا ظروفنا كده و ممكن نمشيها الضرورات تبيح المحظورات لأن احنا لو بطلنا كراكات يبقى كل واحد ممنا بقا يبيع الكمبيوتر بتاعه في سوق الجمعه و يشتري ناقة بداله