الشباب والتدين

بسم الله الرحمن الرحيم
اكيد في شباب كتير بيحاول يمشي في الطريق المستقيم
بس ......بيرجع يحيد عنه
وكل ميحاول ...يرجع تاني
اكيد كلنا نعرف حد كده...او حتي احنا مرينا بكده
احب اعرف ....ليه تفتكروا الشباب مبيستمرش في طريقه؟؟!!!

اولا توجد اسباب كثيره احب اقول ان النفس بتضعف ويوجد اثبات فى قول الله تعالى وخلق الانسان ضعيفا وتانى حاجه اصدقاء السوء الى هم اس الفساد وياحسره على الشاب الذى يعصى ولا يسرع فى التوبه من جديد

افتكر ان الشباب المسلم عنده مشاكل كتير كل واحد هو بس الى يقدر يحددها بعضهم لانه ماخدش الدين باقتناع وفهم وحب من القلب فلما بيتدين مجرد تادية واجب سرعان مبيمل منها

والبعض بيبقى عنده مشكله فى الاغرائات الى حواليه

والبعض بتبقى مشكلته فى الاحباط وافتقاد الامل

والبعض بسبب الاصدقاء

وفى الاول والآخر الايمان وكل واحد ادرى بنفسه

أنا في رأيي إن المغريات والأسباب كثيرة بس اللي عايز أنبه له إن إيمان الإنسان ما بيبقاش ثابت يعني بيزيد وينقص على حسب علاقة الشخص بربه وأظن إن كل واحد فينا بيحس بإيمانه لما بيبقى في الطالع أو في النازل ويبقى يتنبه لأفعاله وتصرفاته وصدقوني كل واحد حيعرف الأسباب بنفسه لأنها بتتفاوت من شخص لآخر

انا احب اعرف هي الاخت ريم عايشه معانا ولا في كوكب تاني
احنا الجو حوالينا مليان مغريات
والناس بيتفاوته في درجة ضبط النفس
لكن على العموم مش وحش ان الانسان يغلط اذا كان دايم الرجوع الى الله
لان ربنا بيحب عبده الي بيستغفره
ويرجعله تايب
ربنا يثبتنا واياكم على الحق
امين