مـــا الحـــل ؟

السلام عليكم و رحمة الله تعالي و بركاته

يا جماعه أنا مخنوقه موووووووووت ، بجد مش عارفه اعمل ايه ، تعبت بجد ، نفسي أنام وارتاح بقي

أنا حبيت واحد قريبي و أنا في 4 ابتدائي وماكنتش اعرف انه حب لحد ما وصلت 2 اعدادي .

فضلت احبه من غبر ماحد يعرف لحد ما وصلت للجامعة ، والحمدلله دخلت الكلية اللي كنت باتمناها ، مع العلم اني عمري ما قلت لحد اني باحبه .

وصلت الجامعة لقيتة بيكلمني وبيقولي انة بيحبني وعايز يتجوزني ، فرحت مووووووووت وكان احسن خبر اسمعة في حياتي.

قلتلة اني بحبة من زمان واني مقدرشي اتجوز راجل غيره واتفقنا علي الجواز بعد الانتهاء من دراستي
وقال لي انه هيسافر لدوله خليجية علشان يشتغل هناك ويقدر يحوش فلوس بسرعه علشان نتجوز بسرعه المهم عرفت اهلي واقنعتهم اني باحبه وعاوزاه مع العلم انهم كانوا رافضين الزواج منه .

وافقوا اهلي علي اني اتزوجه واتخطبنا وفضلنا اربع شهور مع بعض كويسين وطبعا زي أي اتنين مخطوبين كنا نتخانق عادي خااااالص ونرجع نتصالح المهم عدي أربع شهور وكانوا أجمل أربع شهور في حياتي وبعدين سافر الي الخليج علشان يشتغل هناك وبعد أسبوع من سفره كلم امي وقال لها كل شي قسمة نصيب أصلها مش بتسمع كلامي ، يا ااااااااااااااا سبحان الله .

أنا عمري ما عملت حاجة غير اللي هو قال لي عليها ، عمري ما خرجت من بيتنا من اول يوم خطوبة الا و هو معايا ، حاجة غريبة ، كل الاهل والاقارب كانوا معارضين خطوبتنا وهو كان يقول لي انا عمري ما حبيت غيرك وحتجوزك يعني حتجوزك ما دام انا قلت حتجوز دي يبقي حتجوز دي .

المهم كان كل كلامه بيدل انه بيحبني ومهما حصل عمره ما هيبعد عني و اختبرته كذا مرة علشان اعرف مدي حبه ليا و اتأكد من حبه ليا وان عمره ما حب غيري المهم عملنا المستحيل علشان نرجع الموضوع زي الاول مش نافع بيقول انا مش عارف انا مش عايزها لية .

سبحان الله

المهم لسة الموضوع شغال ومش عارفين ايه اللي هيحصل بقالنا شهر ونصف بنحل فيه ومش نافع .

ياريت تساعدوني يا جماعه وتقولولي أعمل ايه