| |
08-04-2008, 03:40 PM
| رقم المشاركة : 1 (permalink) | |||||||||||||||||||
المستوى: 42 [
|  اصل انا كنت عايز اطلع ظابط  حماده ده اسمى عندى دلوقتى 42 سنة حاليا لسه اعزب و بدور على بنت الحلال لكن كل ده مش مهم .............. المهم هى حكاية طفل عمره ست سنين دخل المدرسة وكان فعلا موهوب متميز بين اصحابه وامام مدرسينه كان بيحب الكورة وكان شايف نفسه الخطيب اما فى الفصل فكان اول واحد يرفع ايده عشان يجاوب على السؤال " كان دحيح " كل ده وكان محبوب من الجميع كانت امنيته يطلع ظابط , مجرد ظابط مش اكتر ولا اقل , لو سألتوه عن السبب وقتها كان رده البسيط انه عشان يمسك الحرامية , يقبض ع الحرامية , كانت دى اقصى اماله . كبر وخلص ابتدائى وكبر حلمه معاه وكل ما يكبر سنة يشوف حلمه بيقرب منه سنة اقل دخل الثانوى وفى ثانوى يعنى مذاكرة . يعنى اجتهاد . يعنى دح . يعنى دروس ومصاريف ومجموع كبير ولانه كان متفوق قدر يتغلب على كل ده نجح ومش اى نجاح نجح بتفوق ............... 98 % ده كان مجموعه كل ده مش مهم كل اللى كان يهمه ان حلمه خلاص بقا قدامه خطوات ............. دقايق ........... لحظات ............. ويبقا ظابط اترفض من كلية الشرطة حاول فى الحربية واترفض ايضا الظروف كانت ضده ........... او ان القدر رسم له طريق اخر وقف وحيدا تائها وجد حلمه الوحيد يسقط فى بئر عميق لا يجد له مخرجا سقط حلمه وسقط هو معه وجدنفسه بمجموعه العالى امام كلية الطب طب .......... دكتور ............ دم وعيانين و ادوية انا وبقا دكتور و اتخرج ولقا نفسه فى احدى المستشفيات العامة بقا دكتور امام الجميع و لم يعرف ما اصبح عليه امام نفسه اصبح كل شىء يسير ببطء وممل و كأنك جالس لتشاهد فيلم عربى قديم والصورة بتقطع وتكاد لا تسمع ما يقال الذهاب للمستشفى صباحا والرجوع لبيت الاسرة مساءا والنوم حتى تانى يوم هذا كان نظام حياته اليومية اكون نفسى اجيب شقة الاقى بنت الحلال اتجوز كانت كلها احلام كبيرة اوى بالنسبة له يصعب تحقيقها فمع نظام حياته اليومى الممل ومع راتبه الذى لا يكفى ان يفيض عن مواصلاته ومصروفه اليومى لا امل لا شقة لا بنت حلال لا جواز اصبح كالميت الذى يحيا بين الناس فى انتظار الموت مرة اخرى لكن لم تظل الحياة على هذا السواد لاح له الامل وظهر له بصيص من الضوء فلوس وشقة وعروسة وجواز صفقة كبيرة لاكياس دم فاسدة كل مهمته ان يؤشر على صلاحيتها وفى المقابل نص مليون جنيه طبعا وافق ودى كانت كل امانيه خسارة النفس وايه يعنى انا خسرت نفسى من لحظة سقوط حلمى الغش والخداع مفيش مفر منهم طالما الحياة بيهم الحلال والحرام .................. طب اعمل ايه مفيش حل تانى لقد اصبح غشاش مخادع مجرم لقد اصبح حرامى وبطريقة او بأخرى نجح من استعملوه لتحقيق اغراضهم فى استرداد نقودهم مرة اخرى خسر كل شىء خسر نفسه و ماله خسر ماضيه وحاضره خسر مستقبله خسر حياته اما الان فهو يبحث عن اى مصدر للمال بغض النظر عن مصدره حلالا كان او حراما تلك ليست المشكلة انما المشكلة هى ايجاده والحصول عليه لقد تجاوز الاربعين من عمره واذا اردت البحث عنه فابحث عنه من بين كل من هو غشاش ومجرم وحرامى الكورة ظابط يقبض ع الحرامية محبوب 98% حلم سقط دكتور موت نص مليون حرامى دى كانت قصته ودى كانت قصة حماده اما "حرامى " فهو ما اصبحت عليه الان انا مش لوحدى فى صاحبى الموظف والمهندس والمحاسب والعامل وحتى الظابط وغيره وغيره كل دول اصبحوا يحملون نفس مسماى لكنهم ينكرون او يرفضون ذلك انها الحقيقة التى صارحت بها نفسى وصرحت بها لكم ولم يصرح بها احد غيرى اذن مالسبب لماذا اصبحت هكذا لماذا سارت حياتى الى هذا الطريق سؤال حاولت اعرف ايجابته لكن للاسف فشلت
| |||||||||||||||||||
|
|  |
|
08-04-2008, 03:42 PM
| رقم المشاركة : 2 (permalink) | |||||||||||||||||||
المستوى: 42 [
|  رد: اصل انا كنت عايز اطلع ظابط رد : مشرفة الاسلامى كنوز السلام عليكم ورحمة الله وبركاته تعرف ياعبد الرحمن أنا دخلت الصبح انهاردة وقرأت الموضوع عدة مرات وبجد حسيت بنفس الاحساس اللي انت وصفته عجز اللسان عن الكلام ... فشلت وقتها عن الرد بعدها خرجت قضيت اليوم برة وشفت ناس كتير حالهم صعب جدا .. قلت ساعتها ياتري كلهم بردو زي حمادة ؟؟ خطر ببالي وقتها الزمن الجميل اللي فات .. زمن أنور السادات واللي قاله ان اللي مش هيعمل في عهدي مش هيعمل بعد كده أيامها مكنش فيه مشاكل بالنسبة للشباب زي الموجودة حاليا جه أبونا .. قلنا أنور السادات حررها وأبونا جه عمرها ولكن للأسف ................... المجتمع انقسم لفئتين فقط : طبقة ثرية جدا وطبقة معدمة طبقة تلاقي الشاب يتجوز وعمره 20 سنة والطبقة التانية الواحد بيعدي فعلا 40 سنة ولسة مش قادر علي نفقات الزواج واللي خرج من نطاق الطبقتين هج برة البلد ودفع التمن غربته أما من ناحية انهيار المبادئ أو التنحي عن القيم دي طبعا كارثة كبري مش هلتمس ليه فيها العذر وهقول الظروف دفعته لها لأن المبادئ مش بتتجزأ لكن بردو في النهاية بنقول ليس كل مايتمناه المرء يدركه فعلا المشكلة اللي انت طرحتها كبيرة وحلها هي حل الفساد السياسي والاقتصادي الموجود بالبلد كان نفسي ردي يكون فيه نقطة ضوء أو أمل ولكن ربنا موجود ودي لكم
| |||||||||||||||||||
|
| |
|
08-04-2008, 03:45 PM
| رقم المشاركة : 3 (permalink) | |||||||||||||||||||
المستوى: 42 [
| رد: اصل انا كنت عايز اطلع ظابط
رد : مشرفة القصص والروايات فينوس للاسف مش الزمن اللي صعب بنلوم علي الزمان و علي العصر بلا لوم علي ما في داخلنا من نحن نسل بنى ادم من عشرة الاف عام نحن نسل بنى ادم والي عشرة الاف عام ان قدموا باذن الرحمن نحن ايضا نسل بنى ادم لقد مرت في العصور السابقة ظروف هى اصعب من ظروف اليوم و علي بلدان اخرى ظروف اكبر من تللك التى نحن عليها الدول التى تعانى من الكوارث الطبيعية و المجاعات الدول الفقيرة وحتى في الدول المتقدمة التى تعانى من انحلال اجتماعى هناك من هم تمسكوا بالقيم والمبادىء هنالك في امريكا بلد الانحلال الاجتماعى من اسلم بالاسلام وهنالك في الدول الفقيرة من مات جوعا دون السرقة اعاصرنا نحن زمن الحروب بالطبع لا العيب مش في الزمن العيب فينا بنحب الخطا و نستلذ ليه واحيانا نجزع الصبر علي مضارتنا اناشد ان في زمننا رايت بل وعرفت من هم في حال اصعب مما قرات صبروا ونالو خيرا تحياتى ومشكور عبد الرحمن موضوع متميز تقبل مرورى
| |||||||||||||||||||
|
| |
|
08-04-2008, 03:46 PM
| رقم المشاركة : 4 (permalink) | |||||||||||||||||||
المستوى: 42 [
| رد: اصل انا كنت عايز اطلع ظابط ردى : مشرف السياسة والتاريخ عبدالرحمن السبكى والله الموضوع ده بيمس اكتر من قضية حذكر واحدة منهم دلوقتى وهى قضية تحديد المصير تحديد المستقبل ازاى نتصرف بطريقة مرنة عند حدوث ما ليس مرغوب بمعنى ان فى كتير اوى مثلا كانوا عايزين طب او صيدلة او هندسة و لم تكتب لهم تلك الكليات اذن لابد من تغيير وجهتنا وتعديل فكرنا بما هو كائن مش معنى كده ان الحياة انتهت والمستقبل راح المهم ازاى نستغل الوضع الحالى من اجل مستقبل افضل من الواقع المؤلم حب ما تعمل حتى تعمل ما تحب الحكمة دى حلوة اوى صحيح انا مابطبقهاش ومش قادر اطبقها بس انصح الجميع بتطبيقها واتباعها دى ناحية الناحية التانية سأتناولها فى وقت لاحق شكرا
| |||||||||||||||||||
|
| |
|
08-04-2008, 03:49 PM
| رقم المشاركة : 5 (permalink) | |||||||||||||||||||
المستوى: 42 [
| رد: اصل انا كنت عايز اطلع ظابط رد عاشق الاقصى على جوهر الموضوع عمومخا يا بيبى مش كل الناس حمادة والدليل انك لو سالت عم ابراهيم بتاع الفول انت راضى بعشتك الهباب حيقولك اه وعم ابراهيم السواق حيقولك رضا مش قارفنى فى عيشتى غير جازى وعبده ( الا صحيح هو فين الواد ده مش سامعله س يعنى ماشى انا حشوف الموضوع ده ) اللى عمله حمادة ده اسمه استعجال وقنوت وده لانه ببساطة لا عنده دين ولا مبادئ خلاااص بيس
| |||||||||||||||||||
|
| |
|
08-04-2008, 03:50 PM
| رقم المشاركة : 6 (permalink) | |||||||||||||||||||
المستوى: 42 [
| رد: اصل انا كنت عايز اطلع ظابط رد : كينج عبدو سلام عليكم انا جيت صباح الفل على عيون الكل سبكى ازيك يا باشا حجازى ايه يا عم اخيرا ظهرت الحمد لله انك بخير سلام على كل اللى رد والبنات فوق ردودهم ما شاء الله ايه الكآبة ديه يا جماعه من بادئ ذى بدء انا احب اقول انى شايف ان رد حجازى سليم جدا وهو ببساطة قال اللى قالته كنوز وفينوس بس بطريقته هو وبعدين ما احنا بنضحك من غلبنا يا سبكى وبعدين هو الرد الجدى عملك ايه غير انه خلاك تكتئب اكتر الا حماده اللى انت بتقول عليه لو كان بقى ظابط مهو كان حيبقى منيل بنيله برضه هو اللى الظباط بيعملوه شوية فى البلد ولو حضرتك متعرفش يا ريت تبقى تفتح الyou tube وتكتب اكيد فى مصر وشوف المهازل وادعيلى وبعدين يا سيدى امله انتهى اللى يسمع كده يقول انه دخل معهد القطن ولا معهد سنتين ده دخل طب يا كابتن عارف يعنى ايه طب بس اصلا اللى هو عمله مش مبرر ده بنى ادم مش نضيف ليه كل الناس عايزه تقعد تشتغل ساعة او اتنين او ميشتغلوش اصلا وبعدين يروح يقبض الفين تلات الاف جنيه فى الشهر يا اخى يسافر يجرب حظه بره ولا هو اكل ومرعى وقلة صنعى يلا ربنا يلطف بينا
| |||||||||||||||||||
|
| |
