| |
08-04-2008, 04:03 PM
| رقم المشاركة : 1 (permalink) | |||||||||||||||||||
المستوى: 42 [
|  حلم حياتى  بابا بابا .... انا عايزة ....... حاضر يا زينب بابا بابا ........ حاضر يا احمد حاضر يا بثينة ونضيف عليهم ال 70 جنيه بتوع الكهربا هههههههههه دى بنتى زينب عمرها 7 سنين اما ده بقا احمد ابنى الكبير عنده ...... هو داخل تالتة اعدادى ع العموم اما اللى هناك دى مراتى بثينة متجوزين كده يجى من 12 سنة " متهيألى هما 12 صح " اما انا فالمسئول عن كل دول هشام حمدى عبد الصبور السن : 41 سنة المهنة : موظف حكومى " ومش عايز تريئة " يمكن دى تكون اول مرة اقول فيها التفاصيل دى لانى ببساطة والحمد لله راضى وقانع بحالنا هو بس الشاب اللى قالى انه تابع لمنتدى اسمه بناء الامة " الا يعنى ايه منتدى " بصراحة الاسم هزنى فحبيت اعمل حاجة للاسم ده عشان كده جاوبت على كل اسئلته " تقريبا " اتفضلوا شوفوا انا خريج كلية تجارة .... دفعة حاجة وتمانين كده اتخرجت وانا كلى امل وطموح كانت عندى دفعة قوية جدا خصوصا انى لاقيت البنت اللى فيها مواصفات شريكة الحياة صحيح كنت شعلة نشاط بمجرد تخرجى كنت عايز اعمل حاجة اللى قبلى ماعملهاش حاجة تفيدنى وتفيد كتير غيرى بس هى ايه ؟؟؟ هو ده السؤال انا وحاتم وهيثم وحتى سعاد اتفقنا نكون مع بعض نعمل شركة صغيرة تكبر مع الوقت ههههههههه كان حلم جميل صحيت منه لما عرفت ان حاتم لقا شغل فى الحكومة وهيثم اشتغل فى الشركة عنده والده " اصل والده رجل اعمال " اما سعاد فاكتفيت ببيت العدل حاولت افكر بسرعة عشان الحق نفسى وفعلا فكرت غمضت عينى وفتحت لقيت نفسى على مكتب لذيذ كده وجنبى الولا حاتم فى المصلحة عندهم كانوا طالبين موظف وهو الله يكرمه ما تأخرش عنى ما علينا حبة بحبة بدأت احوش من مرتبى تقريبا ما بصرفش منه حاجة بحوشه كله اصلى لسه لحد دلوقتى باخد مصروفى من الحاج مواصلاتى واكلى وشربى ربنا يكرمه بقا عشان كده قدرت اجمع مبلغ كويس بسرعة اخدت الشقة اللى تحتينا ايجار قديم بعد ما دفعت مبلغ محترم وقدرت بالباقى اشترى العفش يا دوب على اد اوضتين وصالة وفى خلال كام شهر لقيت نفسى انا وبثينة فى بيت واحد وقتها ماكنش ينفع خلاص اعتمد على الحاج كان لازم اعتمد على نفسى عشان كده قررنا نأخر حكاية العيال دى شوية لحد مانحوشلهم مبلغ كويس ينفع نبدأ بيه حياتهم بعد حوالى خمس سنين جبنا احمد وبعده بحوالى مش فاكر كام سنة جبنا زينب والظاهر انى ماحسبتهاش صح اتعينت موظف من كذا سنة ولحد دلوقتى مازدش مرتبى غير 60 جنيه يعنى اجمالى اللى باخده فى الشهر 600 جنيه و 85 قرش " بلاش ال 85 قرش دول عشان الصراف بياخدهم كل شهر " الحمد لله انا راضى بحياتى عايش ومتهنى مع مراتى وعيالى صحيح ان مواصلاتى فى الشهر تعملها كده حوالى 70 جنيه وان مواصلات الولاد عشان المدارس بتعمل حوالى 80 جنيه وان مصاريف اكلنا كل يوم بتعملها حوالى 15 جنيه ويمكن اقل شوية يعنى فى الشهر قول حوالى 450 جنيه احمد و زينب بيحتاجوا مصاريف لكتبهم وكراستهم فى حوالى ال 50 جنيه اما مصاريف الكهربا والمياه كل شهر فبتعملها حوالى 70 جنيه وطبعا بنخرج نتفسح شوية نغير جو ودى اسهل حاجة فى حياتى هو قرطاس اللب ابو نص جنيه وقرطاس الترمس وقعدة مالهاش حل ع البحر  بنقضى وقت حلو طبعا بيجى علينا رمضان والعيد الكبير والعيد الصغير وعيد الام " حماتى طبعا " والمواسم اللى بنزور فيها قرايبنا واعياد الميلاد و المناسبات صحيح انا نسيت فى كمان 50 جنيه بياخدهم د / عبد السلام  انما ايه راجل بتاع كله دكتور انما ايه ...... حكاية انف واذن وحنجرة تلاقيه جلدية ونفسية تلاقيه مخ واعصاب وامراض نسا تلاقيه عظام واسنان تلاقيه صحيح هو علاج واحد بيديهولنا كل مرة بس راجل بركة بصراحة اكيد فى منكم كتير كان قاعد بيتسلى فوق وقاعد بيجمع المبالغ اللى قولتها وده سبب وجودى هنا مستشفى الدكتور عبدالسلام للامراض النفسية والعصبية مش عارف احسبها المرتب 600 جنيه و خمسة و ... ولا بلاش مصاريف العيال وامهم ومصاريفى وخلافه اكتر من الف جنيه فى الشهر يبقا انا كنت عايش ازاى يبقا انا كنت عايش ازاى يبقا انا كنت عايش ازاى بابا بابا ....  حاضر يا زينب بابا بابا حاضر يا احمد حاضر يا بثينة وكمان ال 450 جنيه يبقا الاجمالى ؟؟؟     
| |||||||||||||||||||
|
|  |
|
08-04-2008, 04:06 PM
| رقم المشاركة : 2 (permalink) | |||||||||||||||||||
المستوى: 42 [
| رد: حلم حياتى رد : مشرفة الاسلامى كنوز قلنا الكلام ده كتير قبل كده ممنوع ممنوع ممنوع ممنوع ياهشام الحلاوة والمربى والعسل والزبدة وكافة أنواع الجبن عدا( الجبنة البيضا ) ممنوع .. المعلبات .. تونه - بلوبيف - لانشون - سالمون – فول - وطبعا البسطرمة والزيتون والمخللات أوعى قلبك يحن لعيل من العيال وتجيبله شيبسى ولا بيبسى أو كراتيه ونايتى ولاعسلية ولا بسكوت ولا شيكولاته ممنوع اللحوم بأنواعها خليك واقعى ياهشام وانسى المحمر والمشمر واللب والسودانى والتسالى بانوعها والمحمصات والمقرمشات والمكسرات بأنواعها .. بالعربى أنت زى العصفورة تاكل عيش ودنيبة رز وتشرب ميه .. عمرك سمعت عن عصفورة ركبت دش أو وصلت نت او حتى فكرت تاكل ترمس او تشرب حمص كله كلام فاضى ممنوع ياسيد اهم حاجة ماتروحش لدكتور ومتجبش مدرس ولا ادوية وإياك من المعجنات زى البيتزا والفطائر ومش محتاج افكرك ان البسبوسه والجلاش والكنافة والقطايف والجاتوة والشاتوة والتورت وام على وصوابع زينب ورموش الست والكحك والغريبة ممكن تستغنى عنهم طبيعى انك مش هتقرب من الفواكه خالص زى البرقوق والمانجو والبطيخ والفراوله والكيوى والخوخ والعنب والتفاح حتى الكاكا والحرنكش والنبق والقصب والدوم والتوت .. كل ده ممنوع سيادتك وطبعا معجون الاسنان والحلاقة والشامبو والبلسم كلها رفاهيات ماليكش فيها زى البصل والتوم والبطاطس كلها أساسيات ماليكش فيها برضه .. بقولك ... رمضان علي الأبوب وخيره واسع ورزقه كتير وولاد الحلال أكتر ومن بعده العيد الكبير أظن الكل بياكل فيه لحمة دا حال شعبك يامصر
آخر تعديل عبد الرحمن السبكى يوم 08-04-2008 في 04:10 PM. | |||||||||||||||||||
|
| |
|
08-04-2008, 04:12 PM
| رقم المشاركة : 3 (permalink) | |||||||||||||||||||
المستوى: 42 [
| رد: حلم حياتى رد : مشرفة القصص والروايات فينوس وكمان نسيتو دا في رواسب نفسية والعيال من كىجى تو لحد الجامعة بتغل لبعض في البصة والشاب من دول الحمد الله وبنت مفعوصة راحة جاية بالعربية ومن اول ايديها لحد رجليها الماس ودهب و في تلامذة ليهم شوفير بيخدهم مخصوص من البيت للمدرسة وتلامذة بتجرى في الشارع وهدومها مش نضيفة وبتتعلق في اى مواصلة و لا في تلامذة من اساسه بتاخدها مشي تروح ميتة تنام لتانى يوم وفي من اساسه مش في مدارس اتكلمنا علي المصاريف وازاى انها مش بتكفي والحمد الله مقتنعين بس نسينا ان المجتمع مليان من كل الانماط و ان شبابنا و اطفالنا زى ما هما منهارين ماديا للاسف منهار نفسيا مشكور عبد الرحمن تقبل مرورى
| |||||||||||||||||||
|
| |
|
08-04-2008, 04:14 PM
| رقم المشاركة : 4 (permalink) | |||||||||||||||||||
المستوى: 42 [
| رد: حلم حياتى رد : مشرف السياسة والتاريخ عبدالرحمن السبكى لو تسمحيلى كنوز يعنى لو سمحتى يعنى انتى بتتكلمى كتير كده ليه ؟؟ قوليها ببساطة ممنوع الحياة فى مصر ممنوع ممنوع ممنوع ولا عشان ال ........ يلا مانا كمان كده اوكى بس بردو مفيش حد جاوب على السؤال هشام كان عايش ازاى ؟؟؟ كان عايش ازاى ؟؟؟ كان عايش ازاى ؟؟؟ ازااااااااااااااااااااااى ؟؟؟ سؤال ينتظر الاجابة قريحتى : [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] " حكايات مصرية " [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
| |||||||||||||||||||
|
| |
|
08-04-2008, 04:15 PM
| رقم المشاركة : 5 (permalink) | |||||||||||||||||||
المستوى: 42 [
| رد: حلم حياتى رد : مشرفة الاسلامى كنوز زي كتير ماهم عايشين كان الميت الحي كده خير الكلام ماقل ودل بس بردو ممنوع ممنوع ممنوع
| |||||||||||||||||||
|
| |
|
08-04-2008, 04:16 PM
| رقم المشاركة : 6 (permalink) | |||||||||||||||||||
المستوى: 42 [
| رد: حلم حياتى رد : قادم من السماء موضوع جميل جداااااااااااااااا هشام كان عايش بطريقتين لا ثالث لهمااااااااااااااااااااااا لاما دي بركة من عند ربنا وهوه رجل فيه خير ومؤمن جدا جدا والطريقه الثانيه المشهوره الان كله بيسرق من كله ممنوووووووووووووع ممنووووووووع ممنووووووووووع الحيااااااااة في مصر شعااااااااااااار رفعتهاا امنا الحبيبه برجالهااا الكباااااااااااااااااااااااااار
| |||||||||||||||||||
|
| |
