احنا بنشترى راااااااجل

08-14-2008, 10:55 PM

السلام عليكم ورحمة الله وبركاته
في البداية كل ما يتقدم عريس يترفض و بعد كتير اوى لما خلاص مفيش عرسان والبنت كبرت
نقول احنا بنشترى راجل

ولو البنت مش حلوة اد كدا و حظها في الجمال صفر خالص بردو تتقال احنا بنشترى راجل

كلمة أساسية
عندنا من قديم الأزل
وهى تقال عندما يتقدم شخص لخطبة فتاة ويجلس مع ولى أمرها وبعد أن يسرد عدة معلومات عن نفسة مثل وظيفتة وعائلتة وظروفة المادية والأجتماعية
وبعد أن يعرض ما سوف يقدمة للعروس من شبكة وشقة ومهر ومؤخر وما إلى ذلك
ويقوم ينصرف وتقوم الأسرة بالسؤال عنه جيدا
وحين يجدوه مناسبا يطلبوا منه تكرار الزيارة حتى يبلغوة بالموافقة ويقول ولى الأمر له احنا بنشترى راجل
وهنا لأنه أثبت عمليا هذا الكلام بخلقه ودينه وما قدمة من متطلبات الزواج وبعدها يتم الزواج
هذة الكلمة ظلت تقال عبر السنين وهى تحمل نفس المعنى إلى أن تحول معناها تماما منذ حوالى ثلاث سنوات
وأصبحت أن يقوم ولى الأمر الذى عنده بنات بشراء شقق لهم ومساعدة العريس فى ثمن الشبكة وتجهيز الشقة
الذى حل محل المهر وكمان الصدمة ممكن يكون العريس لايملك حتى وظيفة فيقوم ولى أمر الفتاة إما بمساعدته حتى يحصل على وظيفة أو يقوم بمساعدتهم ماديا وكل هذا ليه لإن البنات كبرت ولأنهم لازم يتجوزا
فيقوم أ ولياء الأمور بشراء رجال لبناتهم ( بالذمة ده كلام )
أو هناك نوعية أخرى وهو الذى حين يتقدم يسأل العروسة بتشتغل فين والمرتب بتاعها كام فى الشهر
أنا شخصيا شايفة زى ما قيل زمان (ان اللى بيجى سهل بيروح سهل)
انا مش ضد ابدا مساعدة الاهالى المادية حتى يتم الزواج
ولكنى ضد فكرة شراء عريس
ربنا يرزقنا نحن وجميع بنات المسلمين رجال حقيقيين
حتى نكون حقا بنشترى راجل ذو خلق ودين يتقى الله فينا

ارجو المناشقة وتفهم الامر ووجهة نظر كل منكم

تحياتى

08-15-2008, 01:14 PM

والله يافينوس انا فعلا محتار في الامر
كل واحد عنده بنت نفسه يجوزها حتي لو هو الي هيجب ليها العريس
متنسيش ان دي امنيه كل اب يشوف بنته مستوره في بيت جوزها

بس الحياه بقت غاليه والشباب مفيش دخل يقدروا يتجوزو علشان كده بعض انا بقول بعض اولاياء الامور بيتهاونو في موضوع المهور
لاني اعرف ناس الوقتي في ظل الغلاء ده بيجبروا العريس انه يجيب عدد معين من الجرامات من الذهب مهما كان سعر الجرام

مغسيه فينوس تقبلي مروري

08-15-2008, 01:31 PM

احنا بنشتري راجل كلمة معناها صحيح ولو هوه رجل فعلااااا اقدم له كل شئ حتي الوظيفه لان مسلمات صالحات في عهد النبوة تزوجن بمهور قليله جدا منهم من تزوج بسورة الاخلاص فقط وهوه رجل ذو خلق ودين
الاصل في الموضوع الدين وليس المال 000لو شاب متدين وصاحب اخلاق فلنساعده بكل ما نملك لانه سوف يحميها ان احبها صانها وان كرها لن يضرها ويحكم الشرع بينهم موضوع جميل ويستحق نقاش اطول واعمق

08-15-2008, 01:52 PM

اقتباس:

المشاركة الأصلية كتبت بواسطة مات الكلام

والله يافينوس انا فعلا محتار في الامر
كل واحد عنده بنت نفسه يجوزها حتي لو هو الي هيجب ليها العريس
متنسيش ان دي امنيه كل اب يشوف بنته مستوره في بيت جوزها

بس الحياه بقت غاليه والشباب مفيش دخل يقدروا يتجوزو علشان كده بعض انا بقول بعض اولاياء الامور بيتهاونو في موضوع المهور
لاني اعرف ناس الوقتي في ظل الغلاء ده بيجبروا العريس انه يجيب عدد معين من الجرامات من الذهب مهما كان سعر الجرام

مغسيه فينوس تقبلي مروري

طبعا مشكور مان علي مرورك وتجاوبك مع الموضوع

وهى مجرد
رسالة
منى الي كل شاب

مش معنى ان هناك اولياء امور قدكانت امنيات حيتهم هى

ان يروا بناتهم في بيوت مستورة مع زواجهم

و يقومو بمساعدتهم في امور كثيرة

ان يكوت هذا معناه ان من معك قد باعها ابوها لك

وانها تكون مجالا لاختلاق العيوب بها لان والدها زوجها لك و تغاضي عن و...و عن ......و عن....

بل علي النقيض لابد من احترامها وتقديرها وعدم التقليل من شانها

وايضا انا علي معرفة شخصية بكثير من اولياء الامور يلجاون الي اساليب غليظة جدا مع العريس

وارهاقه بطلبات كثيرة جدا ومغالاه في المهور و الحفلات و الدهب ويكون رد الاب بذلك

عشان يحافظ علي بنتى و يعرف قيمتها

كلمة تتردد كثيرا علي السنة الكثير من اولياء الامور

لماذا؟

الخوف

الخوف من شباب اليوم

بالغدر او ....زاو................او.................

فبلجا الاب الي ارهاقه بتلك الطلبات تاديبا و تعليما و تمرينا علي تحمل المسؤلية و الحفاظ علي البيت اللي بناه و حتى يعرف قيمة من اخذها و كما يقال
وزنها بالذهب

ياريت الشباب يحسنوا نيتهم وياريت اولياء الامور يغيرو افكارهم و ياريت البنات تغير طريقة حياتها

كل حاجة هتبقي بعد كدا تمام

08-15-2008, 01:57 PM

اقتباس:

المشاركة الأصلية كتبت بواسطة قادم من السماااااء

احنا بنشتري راجل كلمة معناها صحيح ولو هوه رجل فعلااااا اقدم له كل شئ حتي الوظيفه لان مسلمات صالحات في عهد النبوة تزوجن بمهور قليله جدا منهم من تزوج بسورة الاخلاص فقط وهوه رجل ذو خلق ودين
الاصل في الموضوع الدين وليس المال 000لو شاب متدين وصاحب اخلاق فلنساعده بكل ما نملك لانه سوف يحميها ان احبها صانها وان كرها لن يضرها ويحكم الشرع بينهم موضوع جميل ويستحق نقاش اطول واعمق

طبعا مشكور قادم علي مرورك وما يتضمنه من معانى كثيرة

لا ننسي ان لكل عصر من العصور له متضمناته و عبارراته

ولو طبقنا تللك العبارة بالماضي لوجدناه من المفروض ان يكون معناها

هو من جائكم من ترضون دينيه طبقا لقول رسول الله عليه افضل الصلاة والسلام

كما اوضحت في مرورك

ومعناها بالقياس الان احنا بنشترى راجل

بس ياريت ان الشباب هما اللي يقدرو معنى الكلمة دى

هذه رسالة

منعا الي الاستهتاااااار

تحياتى العطرة اليك

08-15-2008, 02:08 PM

والله يافينوس الموضوع فعلا مهم ويحمل عدة جوانب
فالشباب فعلا اليومين دول مظلوم وخاصة في خضم الغلاء الحالي
ولو قلنا لازم الشاب يجيب ويعمل وتلاقي أولياء الأمور يتغالوا في الطلبات والمهور ظنا منهم أن تلك المنهج يجعل من الشاب متمسك بالحياة الزوجية .. فلا أظن ذلك لأنه بالتفاهم والحب تستمر الحياة وليس بالماديات
ومن ناحية أخري نجد نقيضه لو قلنا بنشتري راجل ودعم الأب زواج ابنته ماديا بمعني أن الشاب لم يعبأ بتكاليف الزواج هذا أيضا خطأ لأنه لم يتعب في تأسيس هذا الزواج
ونحن المصريون مجتمع شرقي أظن أنه لايقبل فيه الرجل أن يعيش عالة علي أب الزوجة .. دائما يريد أن يشعر الزوجة بأنه الرجل الذي أنفق وليس زوج الست كما يقولون
ده مجرد رأيي الشخصي
والاختلاف في الرأي لايفسد للود قضية
وشكرا فينوس علي الموضوع المهم ده

محبتي

08-15-2008, 02:09 PM

فينوس فيه شباب بيتجوز من ماله الخاص ومع ذلك بيعامل زوجته اسوا معامله
وده مالوش علاقه ان والد البنت ساعده في الزواج
المعامله يافينوس بترجع الي تربيه البيت للشاب والزوجه برضو
عليها عامل كبير جداااا
المشكله هنا ان فيه ناس عدت 30 ومن غير جواز علشان كده الاهل بيتحركو ويعملو اي شيئ علشان البنت تتجوز
حتي لو الاب هيعيشها في بيته الخاص
بصراحه الموضوع صعب
وفيه جوانب كتير المجتمع هو السبب فيه
مغسيه تقبلي مروري

إعلانــات

احنا بنشترى راااااااجل

المناقشات وابداء الرأى