كراستي .. قلمي .. مسطرتى

بسم الله الرحمن الرحيم

السلام عليكم ورحمة الله وبركاته



كل يوم اقرر اعمل موضوع ارجع اكسل واخيراااااااااا اخدت وقفة مع نفسي معرفش فين وقولت يااانا يالموضوع

هنزله واللي يحصل يحصل ==>> مغامرة البنت

طبعا كراستي قلمي مسطرتي وضيفوا عليها جومتي يلا محدش هيحسب علينا

كل الحاجات دي مرتبطة بحاجة واحدة

ايه هي؟؟؟؟؟


ايه هي؟


ايون هي اللي في بالكم وفي خيالكم واحيانا في كوابيسكم


الا وهي مدرستي مدرستك مدرستنا كلنا


كلنا دايما لما كنا في المدرسة معظمنا مكنش بحب المدرسة ونفس يخلص بقي

وفي قلة قليلة كان بيحبوا المدرسة والدراسة طبعا انا مش منهم

وفجاة بتلاقي المدرسة خلصت معدش فيه صحيان من 7 الصبح بقيت بتصحي 7 ونص علشان الكلية ==>> بتفرق النص ساعة دي صدقووني

مش بتلاقي مدرسين او مدرسة مفيش حاجة خالص كل اللي باقي منها ذكريات سعيدة حزينة بس في الحالتين جميلة

كلنا كان لينا ذكريات وده شور طبعا بمانا في اجازة فلازم انكد عليكم وافكركم بالمدرسة

هبتدي بنفسي وارجع بشريط الذاكرة لورررررا وارجع 14 سنة لورا

اول يوم مدرسة كل العيال بتعيط انا مش بعيط انا مبسوطة كان نفسي اروح المدرسة

ياه اخيرا جيت المدرسة هما ليه بيعيطوا لييه؟ ليه؟ لييييييييييييه؟

عااااااااااااا انا هعيط انا كمان ==>> بحب ان المشاركة دايما

الموهم عدي اليوم بخير تاني يوم ماما بتصحيني

انا عايزة انام مس انا روحت المدرسة امبارح كفااااااية كدا عليا
==================================



نطلع بالشريط شوية لقدام اولي ابتدائي

البنت سقطت في الامتحان ليه؟ ليه؟ الميس اتصلت بمامتي ماما جت ليه ؟ دي مش حلت ولا سؤال ليه؟

ليه اميره ؟ بكل شجاعة وثقة بالنفس اصل الاسئلة تافهة ياماما مش محتاجة تتحل ==> من يومي وانا عقبرية

=================================

ذكريات التشرد ( انا وصحباتي )

اكتر حاجة كنت بحبها في المدرسة كانت ..............

ايه ده انا هفضل كده ارغي لوحدي ده حتي مضر للصحة


الموضوع ده انا عملاه علشان نفتكر ذكريتنا اللي في المدرسة كوارثنا حوادثنا من الاخر موضوع فضيحة

واحد بقي يعتبر الموضوع موضوعه ويدخل يرغي براحته



شور كل واحد براحته يحكي من غير ترتيب اي حاجة فاكرها كده

بس برده نحط اسئلة علشان افكركم بالامتحاانات بالمرة


1- كنت هادي ولا موشكلة؟ كنت من الجماعة الشاطرين ولا الخايببين ؟

2- كنت بتحب المدرسة والدراسة؟ سقطت قبل كده

3- ايه احلي ذكرياتك في المدرسة؟ واسؤاها؟

4-ايه الكوارث الي كنت بتعملها في مدرستك

5- فاكر مين من مدرسينك اللي بتحبهم واللي

6- ايه الحاجة اللي فاكرها من المدرسة ودايما بتفكرك بيها

7- ايه احلي مرحلة في المدرسة حضانة ابتدائي اعدادي ثانوي


طبعا مش شرط ترد علي كل الاسئلة اختار اللي يعجبك وجاوب عليه

وعايزة افكركم الموضوع موضوعكم

وان شاء الله هرجع تاااااني علشان اكمل بقية ذكرياتي التي لاتنهي عن المدرسة


بس كده


جميع الحقوق محفوظة في التلاجة
ممنوع النقل وانت وضميرك